देहरादून। भारतीय जनता पार्टी यौ महिण 17 तारीख बटि आशीर्वाद यात्रा दगड़ उत्तराखण्ड मा अपण चुनावी अभियान शुरू करैलि।
केन्द्रीय राज्य मंत्री अजय भट्ट राजनीकि अभियानक शुरुआत हरिद्वारक नरसैन सीमा बटि करैलि। यौ यात्रा मंगलौर, रुड़की, भगवानपुर, मोहंद, दथकली मन्दिर बटि आबेर देहरादून मा भाजपा प्रदेश कार्यालय पुजेलि। 18 अगस्त कै यात्रा ऋषिकेश हरिद्वार हुं प्रस्थान करेलि। जां बटि यौ उधमसिंह नगर नैनीताल उजाण जालि। अगिल दिन अल्माड़ मा समाप्त हैजालि।
आशीर्वाद यात्रा क कोऑर्डिनेटर व राज्य भाजपा सचिव पुष्कर कला लै कौ कि नौनियुक्त पर्यटन ओर रक्षा राजय मंत्री अजय भट्ट आशीर्वाद यात्रा क नेतृत्व कराल। राज्य क कई जिलन मा यात्रा करेलि। भाजपा जिला महासचिव विकास तिवारी ज्यून कौ कि पार्टी कार्यकर्ता यैक लिजी कमर कसनी। पुर बाट मा प्रमुख जाग पर यात्राक भव्य स्वागत करि जाल। यौ यात्रा जरूर पार्टी कार्यकर्ताक मनोबल बढ़ालि। हम सबे जाणि सबै जागक मैसन बीच जाबेर आपण नीति और उपलब्धिक प्रसार करन। भाजपा नेता श्री दक्षिण कालीक पुरान मंदिर व हरिद्वारक श्यामपुर स्थित शिवज्यूक मन्दिरक दर्शन कराल।
आशीर्वाद यात्रा कै भाजपाक हताश भरी कदम बताबेर कांग्रेस पार्टी लै यस सार्वजनिक रैली पै सवाल उठा हालौं जां कोविड-19 क तिहरी लहर ठुली हुनै, कांग्रेस प्रदेश उपाध्यक्ष धीरेन्द्र प्रताप ल कौ भाजपा कै पैली जवाब दिण चैंछी कि उ कोरोनाक दुहर लहर क ठीक बटि प्रबन्धित करण मा विफल किले रई। अब यस लागना कि तिहर लहर मुकाबला करण और सामूहिक टीकाकरण सुनिश्चित करणै लिजी बुनियादी ढांचा मा सुधारक बजाय पार्टी चुनावी आयोजन पै ध्यान लगूनै। चुनाव बटि ठीक सात महिण पैली उ यौ आशीर्वाद मांगनी फि लै सांच में यौ कांग्रेस छ जैक तरफ अल्लै सबु मतदाताक झुकाव छै।
